مدينة بنيتها في أحلامي
شيدتها من أغصان حنيني
مدينة كلما غفوت وجدتها أمامي في منامي
مدينة ..................
حاكمها ....العدل
وزيرها ......الصدق
سكانها .......الهمة
مساكنها ......الطهر
شوارعها .....العفة
مدينة راودتني كثيرا
لاعبت افكاري
همست في عبراتي
زينت أحلامي
لكن تنتهي مع انتهاء منامي
اعود الي الواقع المهين
واقع يحكمه الظلم
ويعمه الاستبداد
ويعلوه القهر
ويسكنه الاستسلام
لكني دوما أتذكر حلمي
أهمس في نفسي
هل يأتي يوما يصبح خيالي واقعا؟!
هل يأتي يوما تصبح هذه مدينتي؟!
لكن كيف يتحقق حلمي؟!!!!!!!!!!!
لابد ان أفعل شيئا من أجل مدينتي
هنا اتخذت قراري....
لن أيأس
لن أركن للذل
لن أجعل من ضعفي وسيلة للتهرب من المسؤلية
بل يجب أرفع لواء المقاومة كي أحرر مدينتي
مدينتي............................
هناك 35 تعليقًا:
السلام عليكم
عارف كلنا بنحلم بالمدينه مش شرط تكون مثاليه اوي كده
بس برضه الحاله اللي احنا وصلنا ليها ديه متتوصفش
وانت بنفسك كتبت الحلول اللي توصلك لحلمك
انا شايفه الحل فينا احنا كشباب اولا لازم يكون عندنا امل اللي هو مش موجود عند اغلبنا
ونبقى عارفين ان كل ما بنتعب ربنا مش هيضيع تعبنا
الموضوع كبير اوي اوي وليه جوانب كتيره
بس نتفائل بالخير وان شاء الله ربنا يقوينا
مساء الخير
مدينتك مثالية وجميلة
ولازمن تتغلب على كل الحواجز عشان تبنيها وتوصل لها
وربنا يوفقك وتحقق كل اللى تتمناه
تحياتى
المدينة الفاضلة
هي حلم جميل , والاجمل رفضك الاستيسلام لليأس
bota
ميرسي اوي لمرورك واسعدني انك اول تعليق
واتمني مشاركتك دايما
اما عن حلمي فهو مش مستحيل
هو محتاج شوية اصرار
محتاج ارادة قوية
محتاج شوية حب
محتاج شوية تفاؤل
وكما قال رسول الله صلي الله عليه وسلم
"تفائلوا بالخير تجدوه"
صدق رسول الله صلي الله عليه وسلم
تحياتي
sayed
احلي مدينه
كلنا بنحلم اننا نحققها
وان شاء الله ف يوم من الايام اكيد هتتحقق
ربنا معايا
بس قول يارب
اما بالنسبه للنت عندي فالحمد لله
جه خلاص
وان شاء الله هنزل بوست بس حاليا مودي مش مظبط شويتين
ربنا يسهل عما يتظبط
ادعيلي
في رعايه الله
سنووايت
دي مش مدينتي لوحدي
دي مدينتنا كلنا
لازم نوحد كلمتنا
عشان نقدر نحقق حلمنا
تحياتي
sayed
rara
مساء النور
دايما منوراني
وربنا يوفقنا جميعا
عشان نقدر نحقق احلامنا
ونعيش الحياة اللي نستحقها
ونلاقي ناس طيبين ينوروا حياتنا
تحياتي
sayed
zozo
الحمد لله ان النت رجع
عشان تنوريني دايما
وقوللي بقي ليه مودك مش متظبط
ده الحياة جميلة
والدنيا بمبي
ولا احنا طماعين
وربنا يوفقك
ولازم تبلغيني امتي هتنزلي
البوست الجديد
واوعدك انني هاكون اول تعليق
تحياتي
sayed
والله بجد الله عليك
كلنا بنحلم بالمدينه ديه
كلنا بنحلم بالحريه وبالعدل وبالصدق
كلنا بنحلم نعيش حياه ترضى ربنا
وحلمنا هيتحقق لما احنا نتعب
جزاك الله خيرا
زيارتى ديه لن تكون الأخيره
برغم ان النور قطع امبارح وفضل كتتير ونكد عليا معرفتش اعلق
ولما دخلت اعلق تانى الخدمه عطلت يعنى الحكايه نحست معايا قوى
الا انى مثابره جدا وهعلق يعنى هعلق هي كبرت في دماغى بقى ههههههههههه
كنت بقول ان المدينة اللي بتحلم بيها جميله قوى فلو لقتها يا ريت تحجزلى معاك مكان , ومين ميتمناش يعيش في مدينة زي كدا
كلنا بنحلم بعالم مثالى وهو موجود في الجنه ويفوق كل احلامنا
فلو مقدرناش في الدنيا غير اننا نحلم , يا رب في الاخره ندخل الجنه ويتحقق حلمنا
تقبل تحياتى
ربما كانت مدينتك خيالا و لكنها تبعث في القلب أملا نحو تحقيق الأحلام.
جميلة هي روحك التي لا تيأس و جميل ان توصل ذلك الإحساس لقلوب الآخرين
أهنئك و شكرا علي تعليقك في مدونتي
تحياتي
جمبل جدا البوست
يجسد الحلم والوقع والعزيمة
جميلة الاحاسيس المختلفة
فمن منا لا يحلم بتلك المدينة التي يسودها الحب والود والعدالة ووووو
ومن منا لا يستيقظ من حلمه الا الواقع لمرير الذي نعيشه من ظلم وجحود وطغيان وكراهية والشعو بالذات والأنا
لكن الشعور الثالث ( العزيمة )
فهو مختلف من شخص للآخر
فمنا من يسلم ويرضى بالامر الواقع ويقف يتفرج من خلف الاسوار وهو مكتوف الايدي
ومنا من يشعل الحرب لمواجهة هذا الظلم
فهنا هو الاختلاف
تحياتي وتقديري لمدونتك الجميلة
تقبل مروري
سارة
وسأجعل من الامال قاعدة لمدينتي
واشيدها على رحاب افكاري
لست بصامت على ظلم
وستكوني يا مدينتي
ستكوني بأذن رب العالمين
..............................
اد ايه حلمك جميل
فلتسعى وبكل ما تملك لتحقيقه
تقبل مروري
ان يكون هذا حلما للكثير ..
شئ يدعو الى التفاؤل
دائما ببالي قوله تعالى (وعد الله الذين ءامنوا منكم وعملوا الصالحات ليستخلفنهم في الأرض كما استخلف الذين من قبلهم وليمكنن لهم دينهم الذي ارتضى لهم وليبدلنهم من بعد خوفهم أمنا)
دام قلمك مبدعا .. وحلمك ساطعا
هاى سباور ازيك اتمنى تكون كويس يارب المدينة تبقة بتاعتك لانها جميلة اوى وفيها احلام حلوة منك ليها يارب تتحقق
مدينتك .. كمدينتي .. و مدينتهم ..
الجميع يحلم بمدينة كهذه ...
لكن .. هل سنجدها يوماً .. ؟؟!!
تعجبني النهاية ...
لاننا للأسف ..
نفتقد الكثير من ذلك التفاؤل .. !!
سلمت يداك ..
هذه ما تسمى باليوتوبيا أو المدينة الفاضلة..
وتحقيقها هو غاية وأمل كل المصلحين..
جزاكم الله خيرا
ان شاء الله نوصل للمدينه دى, مين ما بيحلمش بمدينه كدا, الله.......... لو يتحقق حلمناااااااااااااااا, يارب بدعواتنا وجهدنا رغم وجود الغيوووووووم, بس لازم نحلم ونتعب
حلوة اوي مدينتك ومثالية جدا بس المشكلة انها موجودة بس في الاحلام والمشكلة الاكبر ان الفجوة بين الحلم والواقع بقت اكبر بكتيييييير من الفرق بين الحقيقة والخيال
انا عاوزة اعيش فى المدينة دي
لو لقيتها قوللى !!بس للاسف مش موجوده
بس مين يعلم
احنا ممكن نعملها ونوجدها فى يوم من الايام
باجتهادنا وحب طاعه الله والتزامنا بكوننا بنى ادمين وبشر بجد
مدينتك حلوة اوى
وبوست بجد جمييييييييييييل
واحساس نقى
هاااااااااااايل
مش اخر زياره ان شاء الله
اختك ف الله:)
الله على المدينه دى بجد انا هخدها منك بجد جمدا جدا اتمنا ان اخش الجنه عشان اغيظك انا بقه دلوقتى مرسى يمان على مدنتك واسعدنى تواجدى معك
يشرفني أن أدعوكي سيدتي لزيارة مدونتي المتواضعة ووضع لمساتك عليها..
وأعدك أن تكون مدونتي صديقة وفية لمدونتك..فقط شرفيني بالزيارة والتعليق.
أتمنى أن تلبي الدعوة المعطرة وتجدي أنسك هناك
أنتظر الزيارة
تحيتي لك
مدونتي هنا
http://kanyatklam.blogspot.com/
انا نزلت البوست
الحمد لله
ومزاجي بقي حلو
انا قولتك عشان انت طلبت مني بس
في رعايه الله
متأسف على هذا الخطأ غير المقصود يبدو أنني كتبت تعليق مكان آخر
بدلت يعني
عموما معلش بس على فكرة معرفة البنات مش وحشة يا مان
خير متأصف مرة تانية ومستنيك تاني
يااااااااااااااااة
دى مدينة خيالية جدا يا سباور
بس للاسف فعلا زى منتا قلت فى خيالنا بس
وبعدين السويس مالها مهى زى الفل
عهع هع هع هع
ههههههههههههههههه
مش كده بردو ولا ايه
تحياتى على البوست الجميل
السلام عليكم ورحمة الله وبركاته
مدونة جميلة بحق..
مدينتى
هى فكرة جميلة بس صورة لمدينة خياليه واعتقد انها مستحيلة.. لان لو دى هتبقى مدينتك اكيد انت بشر واكيد هتخطئ.. انما بردو لازم نسعى على قد ما نقدر لتحقيق كل الرموز الجميلة دى لغاية ما نوصل لافضل صورة ممكنة للمدينة
شرفت بمرورى بمدونة حضرتك :)
لو بطلنا نحلم نموت ...
تدوينه متفائلة أحييك عليها
و أود أن أشاركك حلمك و أقول لك ليس حلمك وحدك و لكنه حلمنا كلنا
ياسمين
نوته و قلم
الله
بجد دى احلى بداية اننا نقدر نغير بلادنا ... اننا نحلم بيها حتكون عاملة ازاى ولازم تكون ازاى
تحياتى
موضوع جميل بجد
مدينة احلامك جميله وتستحق فعلا انك تعمل عانها المستحيل
ومش بس اليأس هو اللى فى ايدك عان متياسش
لازم كمان تحاول تحقق العدل والطهر بنفسك
ع الاقل فى محيطك
انا عارفه ان فى ناس محبِطه بس فعلا مش لازم تياس
تحياتى
لو كلنا حسينا احساسك ده
فصدقني
هنحررها !
بيتهيالي انها مدينه في خيالنا كلنا
معتقدش ان في حد محلمش بيها
انا بحلم بالمدينه دي بكل ما فيها بناسها الطيبين وحكامها العادلين
يارب يحققلك حلمك يا سيد ويحققلنا احلامنا
اما عن النص فبجد جميل اوي اوي عجبني احساسك فيه وعمق معانيه
السلام عليكم
ماشاء الله عليك
تقريبا جسدت أحلام ملايين المصريين
بس ياريت كلهم أبطال ويسألوا إيه اللى يساعد مصر ولو حتى بالتفكير مش يقعدوا يندبوا حظهم
أتمنى أن يكون كلامك عن الأمل كلام مستمر وليس لحظى
لك منى خالص التحيات
وأشكرك جزيل الشكر لزيارتك مدونتى وأنتظرك رأيك دائما فى كل مواضيعى
شكرا لك مرة أخرى
Spower
كلمات غاية في الأناقة
ومعاني جزلة
فحرفك كشعاع النور
سلم إحساسك ونبضك على هذة الروعة
يعطيك العـافيـة
ودي واحتــرامـي
Angel Love
قاوم يا سيدى من حقك
تحياتى
ومن منا لم يحلم بهذه المدينة اخي الفاضل احتفظ بحلمك فهو من حقك ولكن هذا الحلم تحديداً أجده صعب المنال ولكن لا تيأس كما يأس الكثيرون غيرك
تحياتي :)
إرسال تعليق