الواحد لو جاله تاج بيكون حاسس بنشوة كبيرة لأنه بيحس ان فيه حد فاكره
لو جاله تاجين بيكون طاير من الفرح
لو جاله تلاته ....كدة حرااااااام لأنه هيقطع نفسه من الفرحة
التاج الأول :
التاج ده جالي من original heart
س1:بدأت تدوين امته ؟ وازاي دخلت العالم ده ؟
أولا انا بدأت تدوين من شهر يونيو تحديدا يوم 16
اما ازاي دخلت العالم ده .... هاقولكم
انا كنت باسمع كتير في القنوات الاخبارية عن المدونات وليا واحد صاحبي عامل مدونة من سنة تقريبا
وكان كل ما يشوفني يقولي " ازيك يا برنس ما بتدخلشي المدونة ليه ؟؟" انا طبعا كنت بادخل المدونة بس بالموبايل
عشان كنت دايما باكون في السويس فلما جت الاجازة اول حاجة عملتها ان دخلت مدونة صاحبي " شموا نشادر"
وعجبتني الفكرة ومن يومها وانا هنا
س2:ايه انطباعك في البداية؟
أول ما عملت المدونة كنت حاسس انت ما حدش هيدخلها لكن انا لفيت علي مدونات كتير والمدونات اللي كانت بتعجبني
واكتشفت ان لسه في مصر شباب بيفكر في حاجة مش اكل ونوم
س3: مين اكتر واحد تهتم بتعليقه علي بوستك الجديد ؟
طبعا اي حد بيكتب تعليق لازم اكون مهتم بيه لأنه اكيد ما كتبش التعليق ده من فراغ اكيد شايفه حاجة انا مش شايفها
س4:ايه اكتر حاجة كرهتها؟
في الحقيقة لسه ما لقيتش الحاجة دي
س5: حاسس ان التدوين له تاثير ؟
أكيد له تأثير يعني بيخلينا نتعرف علي افكار واراء الناس من خلال التعليقات اللي بتتكتب علي موضوع معين
ممكن الواحد يستفيد من فكرة معينة او راي حد تاني في موضوع معين
س6:تهدي التاج لمين ؟
اهدي التاج لكل الناس اللي هتدخل المدونة وتقرا البوست
ْْْْْْْْْْْْْْْْْْْْْ
التاج التاني :
التاج ده جالي من zozo
س1: من أنت؟
أنا مصري بأحب مصر ونيلها وشمسها
س2:بطاقتي الشخصية؟
الاسم : السيد
تاريخ الميلاد : 4\9\1988
المحل : ديرب نجم – الشرقية [ش.ك.ع]
الديانة : مسلم والحمد لله
الحالة الاجتماعية : سينجل علي ما تفرج
المهنة : طالب بهندسة بترول السويس قسم حفر وانتاج البترول
س3: ما هي أحلامك ؟
باحلم اني اعمل حاجة للبلد باحلم ان مصر ترجع لمكانها الطبيعي
س4: من هو اقرب شخص ليك؟
انا ليا اصحاب كتير وكلهم قريببين مني
بس انا مشكلتي اني ما باعرفش اشكي لحد همي ولما باكون متضايق باحب اكون لوحدي
التاج التالت :
التاج ده كمان من zozo ايه الكرم ده
س1: ايه معني السعادة من وجهة نظرك؟ وحاسس انك سعيد؟
السعادة من وجهة نظري تتلخص في الحديث الشريف " من عاش امنا في سربه معافا في بدنه عنده قوت يومه فقد حيزت له الدنيا بحزافيرها " صدق رسول الله صلي الله عليه وسلم
بس ازاي الواحد يحس بالسعادة وحالنا كل يوم من سئ الي اسوأ
س2: حسيت انك ظلمت حد وليه؟
الظلم طبعا شئ بغيض وغير مبرر علي الاطلاق
لكن لو انا ظلمت حد اتمني منه اولا انه يصارحني وثانيا انه يسامحني
س3: بتعمل ايه لما بتكون مضايق بعد ما تصلي ؟
انا دايما لما باكون مضايق باقرا قران وخصوصا سورة يس وسورة مريم
س4:امته حسيت انك اتظلمت وليه ؟
لما باكون باحترم حد اوي وباخاف عليه اوي ويكون المقابل هو اللامبالاه وعدم التقدير
س5:ايه اكتر احساس بيراودك هذه الأيام تجاه نفسك وتجاه الأخرين ؟
................مش عاااااااارف ........................
س6: امته ممكن تنازال عن حق من حقوقك؟
طبعا مش كويس ان الواحد يتنازل عن حقه
بس التنازل ده نتيجتها كويسه سواء ليا او للاخرين فما فيش مانع اني اتنازل
يااااااااااااااااااااااااااااااه
الحمد لله خلصت
