يا ناس انا جالي واجب يا ناس!!!

انا جالي واجب من الرقيقه rara

اي نعم انا مش من النوع اللي بيحب يعمل الواجبات المدرسيه(سوري انا في الجامعه)بس الواجب ده انا ما اقدرش غير اني اعمله

اي نعم هو صعب شويتين بس يله انا اعمله لسببين

السبب الاول : اني ما اقدرش ارفض طلب لrara.

السبب التاني : اني نجحت وطلعت الخامس علي الدفعه.

يله بقي ندخل في المهم

س1: اذكر 16 صفه عن نفسك.

ٍس2:اهدي الواجب لمن تحب.

ج1 : السؤال الاول طبعا اصعب كتير من المسائله اللي جت في امتحان petroleum reservoir بس انا هاحاول بس اللي هيضحك هاديله كرت بلانش

1- طبعا بحب ربنا وبحب النبي عليه الصلاة والسلام.

2-بحب عائلتي جدا.

3-بحب قريتي الي ابعد الحدود.

4-بحب اصدقائي وباعتبرهم اخواتي.

5-باحاول اكون اجتماعي.

6-طموح وعايز اعمل حاجه للبلد.

7-هادئ لكن فيه شئ واحد بينرفزني " اني اشعر بالغباء سواء في نفسي او في الاخر".

8-بحاول افهم الناس بس الناس احيانا بتفهمني غلط.

9-لو غلطت باعترف بغلطتي.

10- ما بحبش ازعل من حد حتي لو غلط فيّ; يعني بسامح بسرعه.

11- اصعب شئ علي نفسي اني احس ان حد مضايق مني.

12- دايما متفائل "نفسي التي تملك الاشياء ذاهبةٌ فكيف احزن علي شئ اذا ذهب".

13- دايما باشكر ربنا وخصوصاً لو الشئ اللي انا عايزه ما اتحققش.

14- ما باعرفش اطلب اي حاجه من اي حد حتي والدي وده في بعض الاحيان بيضيع مني حاجات كتير.

15- في بعض الاحيان بحب اكون لوحدي" افكر" .

16-بعد كل ده انا ما بحبش اتكلم عن نفسي.

ياه انا روحي طلعت خلاص والبطاريه بتاعتي خلاص

عايزه تتغير.

نيجي للسؤال التاني

ج2: انا طبعا باهدي الواجب ده لصديقي العزيز شموا نشادر&سارة البحر &zozo&عاقلة علي ارض الجنون&حنين

انا خايف انسي حد اي حد بيحبني انا باهديله الواجب

بس خـــــــــــــــلاص